Мәжит Ғафури исемендәге Башҡорт академия драма театры
Театр кассаһы: (347) 272-35-33(347) 273-70-52
Яңылыҡтар

Самрау ҡанаттарында Маугли урманына

Бер ваҡыт джунглиға кеше балаһы килеп эләгә. Инә Бүре малайҙы хайуандарға йәберләргә бирмәй, үҙенең балалары менән бергә тәрбиәләп үҫтерә. Маугли баһадир кәүҙәле булып буй еткерә, джунглиҙа дуҫтары ла табыла. Тик бына юлбарыҫ Шер-Хан менән ҡырағай эт Табаки ғына Мауглиҙы джунглиға ҡабул итергә теләмәй… Театр янында эшләп килгән «Самрау» балалар студияһының сираттағы премьераһы ваҡиғалары был, — Р.Киплингтың «Маугли» әҫәрен сәхнәләштерҙе студия тәрбиәләнеүселәре. Билдәле әкиәттәге геройҙарҙы кәүҙәләндереп, хәл — ваҡиғаларҙы ихлас уйнаны һәр башҡарыусы, урман йәнлектәренең тәбиғәтен һүрәтләне, ваҡиғалар эсендә үҙҙәренсә ҡайнаны. Иғтибарҙы бигерәк тә бәләкәй Мауглины башҡарыусы Лина Кирәева йәлеп итте. Спектакль өсөн махсус музыка һәм йырҙар яҙылып, сәхнә хәрәкәте һәм бейеүҙәр ҡуйылды.
Шуны билдәләргә кәрәк, «Самрау»ҙар спектакль һайын сәхнәлә батырыраҡ була бара, үҙҙәрен ышаныслыраҡ тоя.